摩登平台 : 阿叻寸爆杜汶澤:大聲唔代表啱

藍絲藝人陳百祥(阿叻)和黃絲藝人杜汶澤(阿澤)兩個不同政見的人,昨日首度一同接受電台訪問,舌戰交鋒,阿澤多次激動怒吼,被阿叻寸「大聲唔代表啱!」

昨日身穿白衫白褲的阿叻與全黑裝扮的阿澤應邀到電台受訪,阿叻由黃杏秀陪同出席,交鋒前網上開出「網上賠率」猜測辯論結果,阿叻表示冇留意,自認是普通市民,前來吸收不同的看法。

對談甫開始,阿澤激動指摘阿叻撐警是香港極少數,阿叻駁斥:「我睇唔到差人點暴力,後生唔拎汽油彈攻擊差人,差人又點會用暴力?係暴徒開始先,警察係以暴制暴負責法治,警察返工,無端端點解打你?」

「護旗」唔等如乞錢

阿澤自爆2014年雨傘運動後,遭受大陸封殺,又指有些藝人做護旗手等如「乞錢」,阿叻不認同:「成龍都做護旗手,成龍唔使乞錢。」

其後阿澤再開火,怒斥阿叻支持警察開真槍是滅絕人性,阿叻指因為警察生命受威脅才這樣做,寸爆阿澤:「大聲唔代表啱,激動唔代表對。」

反寸講完冇記性

訪問近一小時,二人互不相讓,提及大學生圍校長事件時,阿澤講反話說:「拉去打靶、坐監、打死,捉去新屋嶺強姦囉!」阿叻即批評對方為晦氣說話:「警察返工都冇力,點強姦?冇見到屍體都話死人。」阿澤繼續寸警察冇騷委任證及挑釁市民,又寸阿叻只睇無綫,阿叻即反擊說三個台都有睇。

訪問尾聲,阿澤說上節目好受氣,阿叻則說:「我唔覺受氣,都唔關我事,只係唔希望香港亂,暴力就唔啱,私了絕不贊成。」雖然各持己見,惟同意成立獨立調查委員會,但成立時間則有異。交手過後,阿澤批評阿叻講完冇記性,十分激氣。阿叻自稱沒有「黃藍」立場,但譴責雙方暴力,對於阿澤指他是無賴,他說:「我吸收到佢,係佢吸收唔到我啫!」